Já gott fólk, þá hefur nýji diskurinn okkar verið gefinn út.  Afurðin heitir 1500 dagar og gáfum við okkur alla í þennan disk sem er að okkar mati sá besti hingað til.  Segir maður þetta ekki alltaf?  En það sem við gerðum öðruvísi í þetta skiptið er að núna voru lögin betur valin.  Ég vei ekki hvort þið vitið það að með svona diska þar sem þeir innihalda 10-12 lög þá hefur kannski veirð samin 20-22 lög fyrir diskinn.  Svo er þetta æft og útsett og yfirleitt þá kemur það í ljós hvort að lagið sé nógu sterkt til að vera á disknum.  þannig að við gerðum það núna, vorum kröfuharðir á lögin og helyptum engum lögum að sem við vorum ekki 100% sáttir við.  Hvað varðar lagasmíði og textagerð þá held ég að við höfum alldrei unnið eins vel í því og núna.  Enda búnir að gefa okkur góðan tíma í þetta.

Og hvað svo?  það er alveg ljóst að við erum ekki að fara túra um landið.  það er líka búið að loka flestum húsum sem voru með svona Sveitaböll eins og við flest þekkjum það.  Núna er það bara pöbbastemningin.  Því miður.  Því Sveitaböll voru alltaf það skemmtileg.  Við munum koma fram hér og þar á næstunni.  Viðtöl í útvarpi, viðtöl í sjónvarpi, blaðagreinar og fl.  Okkur er í raun alveg saman hvort þessi diskur seljist eða ekki.  Ef að fólk vill stela þessu efni þá er það bara frábært.  Bara ef fólk vill hlusta á þetta þá erum við ánægðir.

HK

Jæja gott fólk.  Þá er það framhaldssagan.  En þannig er að upptökur standa yfir núna og er hann Valur að klára að singja tvö lög í kvöld.  þannig að 10 lög á nýja diskinn eru að verða klár.  Það skemmtilega vildi til að við áttum fullt af gömlum lögum, og við tókum okkur til og hlustuðum á þau.  Tvö af þessum lögum verða á nýja diskinum og eru þau bæði frá þeim tíma er við vorum að byrja.  þannig að það er nettu "Grunge" fílingur í þeim báðum.  Bullandi rock.  Við förum að leyfa ykkur að heyra þetta bráðum.

Loksins er Buttercup komin í loftið aftur eftir langt hlé.  Já hljómsveitin er ekki allveg dauð úr öllum æðum.  Þessa dagana er unnið að geisladisk sem lítur dagsins ljós í sumar.  Við höfum gefið okkur góðan tíma í þetta og ætlum okkur að skila góðu efni til hlustenda okkar.

Núna erum við bara strákarnir að þessu.  Kjarninn sem hefur myndað þetta band alla tíð.  Fyrsta lagið er á leiðinni í spilun næstu daga og það verður gaman að fylgjast með því hvernig okkur verður tekið aftur.  Auðvitað höfum við breyst aðeins og vonandi til hins betra.

 Þið fylgist með.

 Kær kveðja Buttercup.