Á leiðinni heim...

Fyrsta lagið sem fer í spilun á væntanlegum disk okkar heitir: "Á leiðinni heim", og var tekið upp í gær í annað skipti þar sem menn voru ekki alveg sáttir við fyrri útgáfu.  Þ.a.l. verður aðeins lengri bið á því að það fari í spilun.  Við viljum samt gera þetta vel í stað þess að henda einhverju í loftið.   Lagið sjálft er mjög þægilegt popplag en diskurinn sjálfur er í rokkaðari kantinum.  Þeir sem hafa heyrt lögin segja að þetta sé mun metnaðarfyllra en það sem við höfum gert áður.  Enda höfum við eytt mun meiri tíma í hvert lag og leikið okkur með útsetningar á þeim og þannig fundið oft skemmtilegri hljóm á þessu öllu saman.  Við höfum samið fjölda laga og þannig gátum við valið og hafnað lögum af meiri kostgæfni en oft áður.   Þetta lítur allt mjög vel út.

Jæja jæja

Loksins er Buttercup komin í loftið aftur eftir langt hlé.  Já hljómsveitin er ekki allveg dauð úr öllum æðum.  Þessa dagana er unnið að geisladisk sem lítur dagsins ljós í sumar.  Við höfum gefið okkur góðan tíma í þetta og ætlum okkur að skila góðu efni til hlustenda okkar.

Núna erum við bara strákarnir að þessu.  Kjarninn sem hefur myndað þetta band alla tíð.  Fyrsta lagið er á leiðinni í spilun næstu daga og það verður gaman að fylgjast með því hvernig okkur verður tekið aftur.  Auðvitað höfum við breyst aðeins og vonandi til hins betra.

 Þið fylgist með.

 Kær kveðja Buttercup.